Heimehjelp/pleieassistent - 85 % fast

<p><strong>Vil du bidra til at eldre menneske kan bu trygt og godt i eigen heim?</strong></p><p>Me søkjer ein omsorgsfull og påliteleg medarbeidar til heimetenesta på Rauland. Som heimehjelp er du med på å skape tryggleik, trivsel og meistring i kvardagen for eldre innbyggjarar i kommunen.</p><p>Me har ledig tilling som heimehjelp i 70% ute i heimane og pleieassistent kvar tredje helg inne på omsorgssenteret. Her vil du få ein variert og meiningsfull arbeidskvardag, der du møter menneske i ulike livssituasjonar. Hos oss er ingen dagar heilt like, og du får vere med på å gjere ein forskjell for brukarane kvar dag.</p><p>Heimetenesta på Rauland yter helse- og omsorgstenester til innbyggjarar som bur i eigne heimar og omsorgsbustader, samt til bebuarar ved omsorgssenteret med inntil 15 plassar. <br />Me arbeider tett saman i eit inkluderande og fagleg sterkt miljø, der kvalitet, tryggleik og respekt for den enkelte står i sentrum. Du får ansvar og tillit, men står aldri åleine. Er du nyutdanna, får du god opplæring, tett oppfølging og rom til å vekse inn i rolla. Er du erfaren, får du moglegheit til å bruke kompetansen din aktivt, påverke utviklinga av tenesta og bidra til fagleg utvikling i organisasjonen. <br />Stillinga inngår i årsturnus. <br /><br />Drøymer du om ein arbeidskvardag med kort veg til ski, toppturar, sykling, padling og store naturopplevingar? På Rauland får du både faglege utfordringar og høg livskvalitet utanfor arbeidstid. </p><br />
<h3>Arbeidsoppgåver</h3><ul><li>Reinhald av private bustader på Rauland, og bebuarrom på Omsorgssenteret</li><li>Pleie- og omsorgsoppgåver for bebuarane på Omsorgssenteret</li><li>Samarbeide med pårørande og andre samarbeidspartnarar</li><li>Bidra til fagleg utvikling, kvalitet og forbetringsarbeid i tenesta</li><li>Vere ein aktiv medspelar i det tverrfaglege arbeidsmiljøet</li><li>Rettleie og dele kunnskap med kollegaer, lærlinger, elevar og studentar ved behov</li></ul><h3>Kvalifikasjonar</h3><ul><li>Erfaring med reinhald, pleie- og omsorgsoppgåver</li><li>Gode norskkunnskapar, både munnleg og skriftleg </li><li>Aktuelle kandidatar må ha norsk personnummer</li><li>Førarkort klasse B</li></ul><p>Me legg vekt på personlege eigenskapar ved tilsetjing.</p><h3>Personlege eigenskapar</h3><ul><li>Du ynskjer å gjere ein positiv forskjell i kvardagen til andre.</li><li>Du er faglig nysgjerrig og ynskjer å utvikle deg vidare.</li><li>Du er trygg, tydeleg og engasjert, med fokus på pasienten.</li><li>Du samarbeider godt med andre og bidreg til eit positivt arbeidsmiljø.</li><li>Du arbeider strukturert, sjølvstendig og løysingsorientert.</li><li>Du trivst med ansvar og tek initiativ.</li><li>Du møter brukarar, pårørande og kollegaer med respekt, omsorg og profesjonalitet.</li><li>Du har god omstillingsevne og ønskjer å bidra aktivt til vidare utvikling av heimetenesta<br /></li></ul><h3>Me tilbyr</h3><ul><li>God forsikrings- og pensjonsordning i KLP</li><li>Aktivitetskortordning med gåvekort, og mogelegheit for å vinne flotte premiar</li><li>Lokal løn over KS garantiløn</li></ul><br /><p>Vinje kommune nyttar nynorsk som offisielt skriftspråk.<br />I samsvar med offentleglova § 25 kan namn på søkjarane offentleggjerast. </p><p>For stillingar der det er krav om politiattest, må godkjend attest leggast fram før tilsetting.</p><p>Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.</p><p>Bur du i Vinje kommune kan du søkje om å få sletta studielånet, les meir på lanekassen.no.<br /></p><h3>Kontaktinformasjon</h3>Bjørg Kåsa Verpe, Avdelingsleiar heimetenesta Rauland, &#43;47 90103553<br />
<h3>Arbeidsstad</h3>Setali 6<br />
3864 Rauland<br />
<h3>Nøkkelinformasjon:</h3>Arbeidsgivar: Vinje kommune<br />
<br />
Referansenr.: 5204218751<br />
Stillingsprosent: 85%<br />
Fast<br />
Startdato: 01.12.2026<br />
Søknadsfrist: 22.11.2026<br />
<br />

Lignende stillinger