Økonomirådgjevar

<h2>Om stillinga</h2><p>Sveio kommune søkjer ein økonomirådgjevar som ser samanhengar og omset tal til innsikt. Du får ei sjølvstendig og sentral rolle i budsjett-, analyse- og rapporteringsarbeidet, med hovudvekt på oppvekstområdet og oppgåver også innan helse. I tett samarbeid med kommunalsjefen for oppvekst og for helse skal du bidra til heilskapleg økonomisk oversikt og gode avgjerdsgrunnlag for leiinga.</p><p>Oppvekstområdet i Sveio omfattar to kommunale- og tre private barnehagar, fem skular, Barn og familie eining og eit kultursenter. Dette er tenester som betyr mykje for barn, unge og familiar i kommunen.</p><p>Gjennom faglege vurderingar og råd skal du støtta leiinga i økonomisk oppfølging og prioriteringar. Her får du kombinera sjølvstendig fagleg arbeid med tett samarbeid – og bruka økonomikompetansen din til å skapa gode rammer for viktige tenester til innbyggjarane.</p><br /><h2>Arbeidsoppgåver</h2><ul><li>Ha medansvar for budsjett, rekneskap, rapportering og prosjektoppfølging.</li><li>Bidra med analysar og delta i prosjekt og politisk sakshandsaming innan kommunal forvaltning.</li><li>Arbeida med ressurs- og rammetildeling til den enkelte barnehage og skule.</li><li>Ha medansvar for rapportering i GSI og BASIL.</li><li>Berekna tilskot til private barnehagar.</li><li><p>Gi økonomifagleg støtte og rettleiing til einingsleiarane.</p><p> </p></li></ul><br /><h2>Kvalifikasjonar</h2><ul><li>Minimum 3 årig høgskuleutdanning innan økonomi.</li><li>Anna relevant utdanning kombinert med praksis kan vera aktuelt.</li><li>Relevant arbeidserfaring innan dei aktuelle arbeidsområda er ein fordel.</li><li>Kjennskap til offentleg forvaltning og relevant lov- og avtaleverk innan områda oppvekst og helse er ein fordel.</li><li>Gode digitale ferdigheiter, kompetanse i avansert bruk av Excel og kjennskap til økonomi- og HR-system.</li><li><p>God munnleg og skriftleg framstillingsevne på norsk. Nynorsk er skriftspråket i Sveio kommune.</p><p> </p></li></ul><br /><h2>Personlege eigenskapar</h2><ul><li>Du samarbeider godt med andre og arbeider sjølvstendig.</li><li>Du arbeider strukturert, nøyaktig og målretta.</li><li>Du har gode analytiske evner og omset økonomisk informasjon til forståelege vurderingar og råd.</li><li>Du tek initiativ og finn løysingar i samarbeid med andre.</li><li>Du prioriterer oppgåver og held oversikt, også i periodar med høgt arbeidstempo.</li></ul><br /><h2>Vi tilbyr</h2><ul><li>Utfordrande og lærerike arbeidsoppgåver i eit engasjert arbeidsfellesskap med høg fagleg kompetanse.</li><li>Høve til å påverka og vidareutvikla det økonomifaglege arbeidet innan oppvekst og helse.</li><li>Løn etter avtale og gode pensjons- og forsikringsordningar.</li></ul><br />

Lignende stillinger