Digitaliseringsrådgjevar Helse og velferd

Vil du gjera teknologi om til betre tenester og ein enklare arbeidskvardag?<br />Time kommune søkjer ein digitaliseringsrådgjevar som vil arbeida i skjeringspunktet mellom menneske, arbeidsprosessar og teknologi. Hos oss får du vera med og utvikla helse- og velferdstenestene, forenkla arbeidsprosessar og sørgja for at digitale løysingar gir reell verdi for innbyggarar og tilsette.<br />Helse- og velferdstenestene står framfor store endringar. Fleire eldre, større tenestebehov og færre i arbeidsfør alder gjer at me må arbeida smartare. Digitalisering handlar derfor ikkje berre om nye system, men om å skapa tryggare tenester, betre flyt og meir tid til dei oppgåvene som krev menneskeleg kompetanse.<br />I denne rolla får du eit særleg ansvar for å knyta saman behova i tenestene med moglegheitene i teknologien. Du skal bidra til god systemforvalting, utvikling av arbeidsprosessar, opplæring og gevinstrealisering. Time kommune skal innføra ny elektronisk pasientjournal i 2027. Du vil få ei sentral rolle i innføringa, og i det vidare utviklingsarbeidet.<br />Stillinga er organisatorisk plassert i avdelinga Digitalisering og dokumentforvaltning og arbeider tett med leiinga, fagmiljøa og fagutviklarane i Helse og velferd. Du vil òg samarbeida med leverandørar og faglege nettverk, mellom anna gjennom DigiJæren og DigiRogaland.<br />
<h3>Arbeidsoppgåver</h3><ul><li>Driva digitalisering og tenesteutvikling innan helse og velferd gjennom prosjektleiing, endringsarbeid og tett samarbeid med leiarar og fagmiljø.</li><li>Ha systemansvar for sentrale fagsystem og digitale løysingar, og sørgja for god drift, forvalting og vidareutvikling i samarbeid med brukarar, leverandørar og andre fagmiljø.</li><li>Ha ei sentral rolle i innføringa av ny elektronisk pasientjournal og andre e-helseløysingar.</li><li>Kartleggja arbeidsprosessar, identifisera flaskehalsar og bidra til forenkling og automatisering gjennom integrasjonar og smart bruk av teknologi.</li><li>Planleggja og gjennomføra opplæring, rådgiving og støtte til leiarar, tilsette og superbrukarar.</li><li>Følgja opp bruk, gevinstar og forbetringsbehov slik at kommunen utnyttar systema og løysingane best mogleg.</li><li>Bidra i anskaffingar, kontraktsoppfølging, samarbeid med leverandørar, og delta/leia implementering av løysingar innan e-helse.</li><li>Sørgja for at digitale løysingar blir forvalta i tråd med krav til informasjonstryggleik, personvern og forsvarleg handsaming av kommunen sine data.</li><li>Representera Time kommune i relevante faglege samarbeid og nettverk, mellom anna DigiJæren og DigiRogaland.</li></ul><h3>Kvalifikasjonar</h3><ul><li>Relevant høgare utdanning innan helse- og sosialfag, fortrinnsvis med videreutdanning innen e-helse, helseinformatikk, tenesteutvilkling, digitalisering eller tilsvarende.<br />Lang og særleg relevant erfaring kan kompensera for delar av utdanningskravet.</li><li>Erfaring med prosjektleiing, endringsarbeid eller utvikling av arbeidsprosessar. God fagleg innsikt og erfaring med e-helse eller velferdsteknologi er ein fordel</li><li>God digital forståing og evne til å sjå samanhengen mellom behov, arbeidsprosessar, teknologi og organisering.</li><li>Erfaring med systemforvalting, Mobile Device Management (MDM) løysningar, digitale fagsystem eller innføring av nye løysingar.</li><li>God munnleg og skriftleg framstillingsevne på norsk.</li></ul><p><strong>Det er ein fordel om du har</strong></p><ul><li>Kjennskap til kommunale helse- og velferdstenester, elektronisk pasientjournal, samhandlingsløysingar eller velferdsteknologi</li><li>Erfaring med gevinstrealisering, anskaffingar eller kontraktsoppfølging</li><li>Kompetanse innan informasjonstryggleik og personvern</li><li>Erfaring med opplæring, rettleiing eller kompetansebygging<br /></li></ul><p>Du må laste opp relevante vitnemål og attestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).</p><h3>Personlege eigenskapar</h3><ul><li>Du er nysgjerrig, lærevillig og held deg fagleg oppdatert.</li><li>Du er strukturert, sjølvstendig og har god gjennomføringsevne.</li><li>Du byggjer gode relasjonar og samarbeider godt med leiarar, fagpersonar, tekniske miljø og leverandørar.</li><li>Du kommuniserer tydeleg og gjer komplekse problemstillingar forståelege.</li><li>Du ser heilskapen, utfordrar etablerte arbeidsmåtar på ein konstruktiv måte og omset idear til praktiske resultat.</li><li>Du forstår at endring handlar like mykje om menneske og arbeidskultur som om teknologi.</li></ul><h3>Me tilbyr</h3><ul><li>Ei sentral rolle i utviklinga av framtidas helse- og velferdstenester i Time kommune.</li><li>Moglegheit til å påverka korleis kommunen arbeider med digitalisering, e-helse og tenesteutvikling.</li><li>Eit tverrfagleg arbeidsmiljø med tett samarbeid mellom digitalisering, leiing og fagmiljø.</li><li>Faglege nettverk og samarbeid på tvers av kommunegrensene gjennom DigiJæren og DigiRogaland.</li><li>Ein variert arbeidskvardag med både strategiske og operative oppgåver.</li><li>Lønn etter avtale.</li><li>Gode pensjons- og forsikringsordningar.</li><li>Kunstforening.</li></ul><p>Der det er lovkrav om det, må politiattest registreres før første arbeidsdag tar til.<br /></p><h3>Kontaktinformasjon</h3>Amund Junge, Leder, 40237056, amund.junge&#64;time.kommune.no<br />
<h3>Arbeidsstad</h3>Arne Garborgs veg 32<br />
4344 BRYNE<br />
<h3>Nøkkelinformasjon:</h3>Arbeidsgivar: Time kommune<br />
<br />
Referansenr.: 5201209384<br />
Stillingsprosent: 100%<br />
Fast<br />
Søknadsfrist: 08.11.2026<br />
<br />

Lignende stillinger