Pedagogisk leiar og grunnskulelærar

<p>Holsen skule og barnehage er ein levande og samlokalisert skule og barnehage i Sunnfjord kommune, vakkert plassert i naturskjønne omgjevnader på vegen mellom Førde og Viksdalen. Eininga har dette skule- og barnehageåret tildelt 12 årsverk, som saman har ansvar for til saman 55 born. Skulen er fådelt, og har inneverande skuleår 36 elevar fordelt på 1. til 7. klasse, medan vi i barnehagen har 19 born dette barnehageåret. </p><p><strong>Vi har no følgjande ledige stillingar: </strong></p><ul><li>100 % stilling i vikariat som pedagogisk leiar i barnehagen frå snarleg til 31.07.2027</li><li> 40 % stilling i vikariat som grunnskulelærar frå snarleg til 31.07.2027</li></ul><p> </p><h2><strong>Stilling som pedagogisk leiar</strong></h2><p>Vil du vere med på å skape ein trygg, leiken og lærerik kvardag for barna våre? Ein av våre pedagogiske leiarar skal ut i permisjon, og vi har ledig 100% mellombels stilling fram til 31.07.2027. Vi søkjer ein engasjert og tydeleg pedagogisk leiar til ei mellombels stilling i barnehagen vår. Som pedagogisk leiar får du hovudansvaret for å planleggje, gjennomføre og evaluere det pedagogiske arbeidet på avdelinga, i tråd med barnehagelova og rammeplanen. Du vil leie og rettleie teamet ditt, og samarbeide tett med foreldre og resten av fagmiljøet i barnehagen for å sikre eit inkluderande og godt oppvekstmiljø.</p><p><strong>Søkarar til stillinga som pedagogisk leiar må ha:</strong></p><ul><li>godkjent utdanning som barnehagelærar eller førskulelærar</li><li>dokumentert norskkunnskap i samsvar med barnehagelova § 28</li></ul><p><strong>Søkarar til stillinga som pedagogisk leiar bør ha følgjande personlege eigenskapar: </strong></p><ul><li>Relasjonsorientert og varm: Evne til å sjå kvart enkelt barn, skape tryggleik og gje god omsorg.</li><li>Leiken og engasjert: Aktiv deltaking i barnas leik og kvardag, både ute og inne.</li><li>Gode samarbeidsevner: Open og tydeleg i dialogen med foreldre og kollegaer</li><li>Robust og fleksibel: Evne til å takle ein travel kvardag med høgt tempo og uføreseielege situasjonar.</li></ul><p> </p><h2><strong>Stilling som grunnskulelærar</strong></h2><p>Vil du skape lærelyst hos borna og gje dei ein trygg og god skulekvardag? Ein av våre lærarar skal ut i delvis permisjon, og vi har ledig 40% mellombels stilling fram til 31.07.2027. Stillinga kan leggast til to dagar i veka, og kan kombinerast med stilling som tilkallingsvikar, med gode moglegheiter for ytterlegare undervisningstid. Som lærar hos oss får du ansvar for å planleggje, gjennomføre og vurdere undervisninga i tråd med læreplanverket (LK20). Du vil fungere som ein tydeleg klasseleiar, byggje sterke relasjonar til kvar enkelt elev og samarbeide tett med kollegaer og føresette for å skape eit trygt og inkluderande læringsmiljø.</p><p><strong>Søkarar til stillinga som lærar må ha</strong></p><ul><li>godkjent lærarutdanning, som oppfyller krav til undervisningskompetanse på barneskulen.</li></ul><p><strong>Søkarar til stillinga som lærar bør ha</strong></p><p>Fagleg og pedagogisk kompetanse:</p><ul><li>Tydeleg og trygg klasseleiing som skaper eit godt og inkluderande læringsmiljø.</li><li>Kunnskap om og erfaring med Læreplanverket (LK20).</li><li>Kompetanse innan digital didaktikk og bruk av digitale læringsverktøy.</li><li>Evne til å drive formativ vurdering og tilpasse opplæringa til elevar med ulike føresetnader.</li></ul><p>Personlege eigenskapar:</p><ul><li>Trygg vaksenperson: Evne til å byggje tillit og gode relasjonar til elevar og føresette.</li><li>Utviklingsorientert: Vilje til å samarbeide i profesjonsfellesskap for å vidareutvikle skulen sin praksis.</li><li>Strukturert og målretta: God planleggingsevne kombinert med fleksibilitet i undervisningssituasjonen.</li></ul><p> </p><p>Søkarar til begge stillingane må kunne legge fram gyldig politiattest utan merknader før tiltreding. </p><p>Har du spørsmål om stillingane ta kontakt med rektor og styrar Elias Tvedt på e-post elias.tvedt&#64;sunnfjord.kommune.no eller telefon: 928 63 392 </p><p> </p> <br /> Link til søknadsskjema: <a href="https://sunnfjord.easycruit.com/vacancy/application/3673759/172559?channel&#61;NavRest&amp;iso&#61;nn" rel="nofollow">Søk her</a>

Lignende stillinger