Rettleiar NAV

<p><strong>Me søkjer ein lagspelar med hjarta for sosialt arbeid</strong></p><p>Som rettleiar i sosiale tenester ved Nav Bømlo får du arbeide med sakshandsaming, økonomisk rådgjeving og tett oppfølging av menneske i ulike livssituasjonar. Du blir ein del av eit tverrfagleg team på 35 medarbeidarar som samarbeider om gode og heilskaplege løysingar for den enkelte og familien. Saman har me i Nav Bømlo ansvar for arbeidsretta oppfølging, sosiale tenester og busetting av nykomne flyktningar.</p><p>Me har ledig eit 100 % vikariat fram til 31. august 2028. Oppstart etter avtale.<br /></p><br />
<h3>Arbeidsoppgåver</h3><p>I stillinga vil du følgje opp menneske som har behov for økonomisk og sosialfagleg bistand. Du vil arbeide med samtalar, kartlegging, sakshandsaming og rettleiing, og bidra til å finne gode løysingar saman med den enkelte. Arbeidet krev at du kan gjere sjølvstendige faglege vurderingar, samarbeide godt med andre og sjå den enkelte og familien i ein heilskapleg samanheng.</p><p>Arbeidsoppgåvene vil mellom anna vere:</p><ul><li>Kartleggje, rettleie og følgje opp menneske med samansette behov.</li><li>Handsame søknader og gjere vedtak etter sosialtenestelova.</li><li>Gi økonomisk rådgjeving og gjeldsrådgjeving.</li><li>Vurdere og setje i verk tiltak som kan bidra til arbeid og aktivitet.</li><li>Samarbeide med andre tenester for å sikre god og samordna oppfølging.</li><li>Leggje vekt på barnet sitt beste i saker som gjeld familiar.</li></ul><p>Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må påreknast. </p><h3>Kvalifikasjonskrav:</h3><ul><li>Bachelorgrad, fortrinnsvis innan sosialfag, for eksempel sosialt arbeid eller barnevern. Anna relevant bachelorgrad kan og bli vurdert.</li><li>God munnleg og skriftleg framstillingsevne på norsk.</li></ul><p>Det er ønskjeleg at du har:</p><ul><li>Erfaring med økonomisk rådgjeving eller gjeldsrådgjeving.</li><li>Relevant vidareutdanning.</li><li>Erfaring frå sakshandsaming og offentleg forvaltning.</li><li>Erfaring frå rettleiings- og oppfølgingsarbeid.</li><li>Kjennskap til sosialtenestelova og forvaltningslova.</li></ul><h3>Personlege eigeskapar</h3><p>Me ser etter deg som:</p><ul><li>Møter menneske på ein respektfull og tydeleg måte.</li><li>Skaper tillit og gode relasjonar.</li><li>Arbeider strukturert og prioriterer godt når du har fleire saker samtidig.</li><li>Står stødig i krevjande samtalar og situasjonar.</li><li>Samarbeider godt med kollegaer og andre tenester.</li><li>Er løysingsorientert og tilpassar deg endringar i arbeidskvardagen.</li></ul><p>Ved vurdering av søkjarar legg me vekt på utdanning, erfaring, personlege eigenskapar og motivasjon for stillinga.</p><h3>Me tilbyr</h3><ul><li>Varierte og spanande arbeidsoppgåver i ein framoverlent kommune.</li><li>Eit levande fagmiljø med gode høve for fagleg og personleg utvikling saman med dyktige og trivelege kollegaer.</li><li>Løn og arbeidsvilkår i samsvar med gjeldande lov- og avtaleverk.</li><li>Gode pensjons- og forsikringsordningar.</li><li>Bedriftshelseteneste.</li><li>Medlemskap med tilsettegoder i den kommunale velferdsklubben.</li></ul><p><strong>Anna informasjon</strong></p><ul><li>Administrasjonsmålet i kommunen er nynorsk.</li><li>Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn.</li><li>Me gjer merksam på at søkjarar vert ført opp på offentleg søkjarliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25. <br /></li></ul><p>Synes du stillinga ser interessant ut, og samsvarar med kvalifikasjonane dine,<strong> sender du oss søknaden din elektronisk via Webcruiter.no med CV, vitnemål og attestar vedlagt.</strong> Ved førespurnad må du kunna skaffa bekrefta kopiar av dokumentasjonen din. Dersom du har spørsmål om stillinga og rekrutteringsprosessen, ta kontakt med avdelingsleiar Synne Halleraker.</p><h3>Kontaktinformasjon</h3>Synne Halleraker, Avdelingsleiar, 91807383, synne.halleraker&#64;nav.no<br />
Elisabeth Haugen, Leiar, 91125279, elisabeth.haugen&#64;nav.no<br />
<h3>Arbeidsstad</h3>Kulturhusvegen 19<br />
5430 Bremnes<br />
<h3>Nøkkelinformasjon:</h3>Arbeidsgivar: Bømlo kommune<br />
<br />
Referansenr.: 5156326556<br />
Stillingsprosent: 100%<br />
Vikar<br />
Startdato: 01.01.2027<br />
Sluttdato: 31.08.2028<br />
Søknadsfrist: 19.11.2026<br />
<br />

Lignende stillinger