Brukarstyrt personleg assistent søkjast til 18 år gamal jente

<h2>Om stillinga</h2><p>Hei!</p><p>Eg er ei 18 år gamal jente som bur heime saman med mor og far. På grunn av alvorlig ME treng eg hjelp til praktiske oppgåver i kvardagen, slik at både eg og familien min får ein meir føreseieleg og oversiktleg kvardag.</p><p>No ser eg etter ei eller fleire trygge, omsorgsfulle og pålitelege kvinner som kan vere personlege assistentar for meg. Arbeidet handlar i hovudsak om å hjelpe til med praktiske oppgåver i heimen og bidra til at kvardagen fungerer best mogleg. </p><p><strong>Stilling og arbeidstid</strong><br />Eg behøver person(ar) som kan vere assistenten min. Arbeidstida vil vere mellom kl. 09.30 og 23.30 på dagtid, ettermiddag, kveld og enkelte helger.</p><p>Eg søkjer både faste assistentar og tilkallingsvikarar. Stillingstorleik og turnus kan tilpassast den rette kandidaten.</p><p>Oppgi gjerne i søknaden kva arbeidstid og stillingsstorleik som kan passe for deg.</p><p>Eg håpar eg har vekka di interesse og at akkurat du sender inn din søknad. Eg ser fram til å bli bedre kjent med deg! </p><br /><h2>Arbeidsoppgåver</h2><ul><li>Vere ein trygg og stabil støtteperson i kvardagen</li><li>Bidra til struktur, føreseielegheit og meistring i daglege aktivitetar</li><li>Gi praktisk støtte knytt til måltid, enkle oppgåver i heimen og andre gjeremål etter behov</li><li>Bidra til sosial deltaking og ein meiningsfull kvardag ut frå brukaren sine ønskje og dagsform</li><li>Medverke til ein roleg, trygg og positiv kvardag</li></ul><br /><h2>Kvalifikasjonar</h2><p><strong>Krav</strong></p><ul><li>Kvinne over 18 år</li><li>Førarkort klasse B</li><li>Beherskar norsk munnleg og skriftleg</li><li>Politiattest må leggast fram før tilsetjing</li></ul> <p><strong>Ønskjer</strong></p><ul><li>Erfaring frå helse- og omsorgsarbeid er ein fordel, men ikkje eit krav. Nødvendig opplæring vil bli gitt.</li></ul><br /><h2>Personlege eigenskapar</h2><p>Eg ser etter deg som:</p><ul><li>Har godt humør og bidreg med positiv energi</li><li>Er roleg, tålmodig og omsorgsfull</li><li>Er ansvarsbevisst og påliteleg</li><li>Kan arbeide sjølvstendig</li><li>Har respekt for at dagsform og behov kan variere</li><li>Personleg eignaheit og god kjemi vil bli tillagt stor vekt</li></ul><br /><h2>Me tilbyr</h2><ul><li>Ei meiningsfull og viktig rolle i kvardagen til ein ung person og hennar familie</li><li>Eit trygt og godt arbeidsmiljø</li><li>God opplæring og oppfølging</li><li>Lønn etter gjeldande tariffavtale</li><li>Rettleiing og oppfølging</li><li>Aktuelle kandidatar vil bli kontakta fortløpande</li></ul> <br /><h2>Arbeidstilhøve</h2><p>Tilsetjing skjer på dei vilkår som går fram av gjeldande lover, reglement og tariffavtalar.</p><p>Politiattest må leggjast fram før tiltreding.</p><p>På grunn av arbeidsoppgåvene, som omfattar bistand ved personleg hygiene og andre private situasjonar, søkjer vi kvinner til stillinga. Kravet er grunngjeve i omsynet til brukaren sin personlege integritet.</p><p>Som tilsett i Samnanger kommune vert du meldt inn i KLP si pensjonsordning, som omfattar alderspensjon, AFP, uførepensjon og forsikringsordningar.</p><p>Alle nytilsetjingar vert gjorde med ei prøvetid på 6 månader.</p><p>Søknad må sendast elektronisk via JobbNorge.</p><br />

Lignende stillinger