Sjukepleiar

<p>Vil du vere med og utvikle omsorgstenestene for framtida? Ønskjer du ein arbeidsplass der samarbeid, fagleg deling og det å løfte kvarandre står sterkt – og der tryggleik, verdigheit og livskvalitet for pasientane alltid kjem først? Då kan Eidet omsorgssenter vere rett stad for deg.</p><p>Eidet omsorgssenter ligg om lag 20 minutt frå Spjelkavik/Moa-området, og er eit moderne omsorgssenter som stod ferdig i 2017. Senteret består av to avdelingar med totalt 37 plassar, og gir heildøgns omsorg til personar som har behov for avlasting, eller som har demens eller somatisk sjukdom.</p><p>Vi har felles leiing med heimetenesta i Haram indre, og arbeider målretta saman for å sikre stabil drift, høg fagkompetanse og tenester av best mogleg kvalitet. Eidet omsorgssenter har eige kjøkken og vaktmeister, noko som gir god støtte i det daglege arbeidet. I tillegg har vi kafé/kantine i vekedagane.<br />Turnusordningane våre omfattar dag- og kveldsvakter med arbeid kvar tredje helg, eller langvakter på helg med arbeid kvar fjerde helg. Sjukepleiarane hos oss har faste stabsvakter, med vakter fordelt i avdeling.</p><p>No søkjer vi ein engasjert og fagleg trygg sjukepleiar til avdeling 1, som har 15 pasientar. Hos oss blir du ein viktig del av eit arbeidsmiljø som byggjer lag – kvar einaste dag – og der sjukepleiarkompetansen blir verdsett og brukt aktivt i pasientarbeidet.<br />Søkjarar som er i ferd med å fullføre sjukepleiarutdanninga si, er også velkomne til å søkje.</p><p>I Haram kommune er vi opptekne av gode, heilskaplege tenester, og har fokus på arbeid på tvers av tenesteområda for å skape gode tenester for innbyggarane våre. I Haram jobbar vi for å spele kvarandre gode.</p><br />
<h3>Arbeidsoppgåver</h3><ul><li>Sikre at pasientar får helsehjelp og tenester av høg kvalitet i tråd med gjeldande lover og retningsliner</li><li>Observasjon, kartlegging, tiltak og dokumentasjon i Helseplattformen</li><li>Legemiddelhandtering</li><li>Laboratoriearbeid</li><li>Rettleiing av pasientar, pårørande, kollegaer og studentar</li><li>Bidra til meistring, tryggleik og auka livskvalitet i kvardagen</li><li>Samarbeid med pårørande og interne/eksterne samarbeidspartnarar</li></ul><h3>Kvalifikasjonar</h3><ul><li>Autorisasjon som sjukepleiar</li><li>Relevant erfaring er ein fordel, men vi ønskjer også nyutdanna sjukepleiarar velkomne som søkjarar</li><li>God munnleg og skriftleg norsk (minimum B2)</li><li>Grunnleggjande IKT-kompetanse<br /></li></ul><p>Politattest, MRSA- og TBC‑eigenerklæring vert krevd ved tilsetjing, i tillegg treng du gyldig norsk personnummer/D-nummer.<br /></p><h3>Personlege eigenskapar</h3><p>Vi ser etter deg som er:</p><ul><li>Trygg, tydeleg og engasjert – med pasienten i fokus</li><li>Løysingsorientert, fleksibel og positiv til nye utfordringar</li><li>Sjølvstendig, men også ein god lagspelar</li><li>Ein som bidreg til fellesskap, stabilitet og eit godt arbeidsmiljø</li><li>Nytenkjande og endringsvillig</li><li>Personlege eigenskapar vil bli vektlagd</li></ul><h3>Vi tilbyr</h3><ul><li>Eit fagleg sterkt, trygt og inkluderande arbeidsmiljø</li><li>Moglegheit til å påverke utviklinga av tenesta og eigen arbeidskvardag</li><li>Gode rutinar, tett samarbeid og kollegaer som gjer kvarandre gode</li><li>Møtetid i turnus, med internundervisning etter plan</li><li>Sjukepleiar i stab</li><li>Varierte og meiningsfulle arbeidsoppgåver</li><li>Løn, pensjon og arbeidsvilkår etter gjeldande tariff</li><li>Bedriftshelseteneste</li><li>Gratis parkering og gode kollektivforbindelsar<br /></li></ul><h3>Kontaktinformasjon</h3>Maria Elizabeth Marthinussen, Tenesteleiar, 94051001, maria.elizabeth.marthinussen&#64;haram.kommune.no<br />
<h3>Arbeidsstad</h3>Trolldalssletta 12<br />
6264 Tennfjord<br />
<h3>Nøkkelinformasjon:</h3>Arbeidsgivar: Haram kommune<br />
<br />
Referansenr.: 5196355813<br />
Stillingsprosent: 100%<br />
Vikar<br />
Startdato: 16.11.2026<br />
Sluttdato: 31.08.2027<br />
Søknadsfrist: 15.11.2026<br />
<br />

Lignende stillinger