Miljøterapeut/Miljøarbeidar

<h1>Vil du gjere ein forskjell for barn og unge?</h1><p><strong>Bu- og avlastingstenesta i Sunnfjord kommune søker nye medarbeidarar til fleire faste stillingar.</strong></p><p>Hos oss får du bruke fagkompetansen din til å skape trygge, gode og meiningsfulle dagar for barn og unge med funksjonsvariasjonar og samansette behov. Samstundes gir du viktig støtte til familiane deira gjennom avlasting, omsorg og oppfølging.</p><p>Bu- og avlastingstenesta tilbyr døgnavlastning i avlastingsbustad og i enkelte private heimar. Vi er eit tverrfagleg arbeidsmiljø med vernepleiarar, sjukepleiarar, helsefagarbeidarar, sosionomar, barnevernpedagogar, lærarar, barnehagelærarar, barne- og ungdomsarbeidarar og assistentar.</p><p>Vi samarbeider tett med føresette og andre faginstansar rundt barnet, mellom anna barnekoordinator, helsestasjon, PPT, habiliteringstenesta, psykologar, barnehagar, skular og sjukehus. Vi veit at gode tenester blir skapte gjennom godt samarbeid.</p><p>Vi arbeider med barn og unge med ulike diagnosar, funksjonsnivå og hjelpebehov. Arbeidskvardagen er variert og inneber både direkte miljøarbeid, helsehjelp, aktivitetar og systematisk fagarbeid.</p><h2>Aktuelle arbeidsoppgåver er mellom anna:</h2><ul><li>medisinsk oppfølging og observasjon</li><li>tillaging og kontroll av medikament</li><li>oppfølging av barn med samansette og komplekse helsebehov</li><li>palliativ omsorg og symptomlindrande oppfølging</li><li>miljøarbeid knytt til autismespekterforstyrringar og funksjonsnedsetjingar</li><li>arbeid etter helse- og omsorgstenestelova kapittel 9</li><li>dokumentasjon og journalføring i CosDoc</li><li>utarbeiding og evaluering av pleieplanar, tiltaksplanar og rutinar</li><li>samarbeid med føresette og fagpersonar rundt barnet</li></ul><p>Jobben handlar likevel om meir enn prosedyrar og faglege vurderingar. Den handlar òg om å skape gode relasjonar, bidra til meistring, leik, utvikling og glede i kvardagen til det enkelte barnet.</p><h2>Vi har ledig følgjande stillingar:</h2><ul><li><div><strong>2 x 100 % faste stillingar som helsefagarbeidar på natt. Stillingane er for tida knytte til nattevakter</strong></div></li></ul><p>Stillingane er kombinerte mellom arbeid i privat heim og avlastingsbustad.</p><p>Vi søker deg som kan arbeide sjølvstendig, gjere gode observasjonar og handtere medisinske behov på ein trygg og fagleg forsvarleg måte.</p><p>Barne- og ungdomsarbeidarar med relevant erfaring kan bli vurderte dersom det ikkje melder seg kvalifiserte søkarar.</p><p> </p><ul><li><strong>100 % fast stilling som helsefagarbeidar i tredelt turnus</strong></li></ul><p>Personar utan formell fagutdanning, men med lang og relevant erfaring, kan bli vurderte dersom det ikkje melder seg kvalifiserte søkarar, men vil då bli tilsett i mellombels stilling.</p><p> </p><ul><li><strong>2 x 100 % faste stillingar som vernepleiar eller sjukepleiar i tredelt turnus</strong></li></ul><p>Stillingane kombinerer for tida arbeid i heim, skule og avlastingsbustad.</p><p>Vi søker deg som ønsker å bidra både i det daglege omsorgsarbeidet og i det systematiske fagarbeidet.</p><h2>Kvalifikasjonar:</h2><ul><li>autorisasjon som helsefagarbeidar, sjukepleiar eller vernepleiar der dette er krav til stillinga</li><li>erfaring med barn og unge med nedsett funksjonsevne</li><li>gode norskkunnskapar, både munnleg og skriftleg</li><li>evne til å arbeide sjølvstendig og i samarbeid med andre</li><li>interesse for fagutvikling, dokumentasjon og systematisk oppfølging</li><li>to referansar, der minimum éin er noverande leiar</li><li>godkjent politiattest</li></ul><h2>Vi ønsker at du:</h2><ul><li>er trygg, ansvarsbevisst og fagleg engasjert</li><li>bevarer roen og gjer gode vurderingar i krevjande situasjonar</li><li>ser ressursar og moglegheiter hos det enkelte barnet</li><li>er fleksibel og løysingsorientert</li><li>bidreg aktivt til eit godt arbeidsmiljø</li><li>samarbeider godt med føresette, kollegaer og andre fagpersonar</li></ul><p>Personlege eigenskapar vil bli vektlagde.</p><h2>Vi kan tilby:</h2><ul><li>ein variert og meiningsfull arbeidskvardag</li><li>arbeide tett på barn og unge og utgjere ein forskjell</li><li>vere del av eit sterkt tverrfagleg fagmiljø</li><li>gode moglegheiter for fagleg utvikling</li><li>engasjerte kollegaer som støttar og lærer av kvarandre</li><li>høve til å påverke utviklinga av tenesta</li></ul><h3>Saman skapar vi gode dagar;</h3><p>Vårt viktigaste mål er at kvart barn skal oppleve tryggleik, meistring, utvikling og gode opplevingar. Samstundes skal familiane oppleve oss som ein kompetent, føreseieleg og tillitsskapande samarbeidspartnar.</p><p>For å lukkast treng vi medarbeidarar som kombinerer fagleg tryggleik med varme, omsorg og engasjement.</p><p>Vil du vere med på laget? Då ønsker vi å høyre frå deg.</p><p>Du søker elektronisk.</p> <br /> Link til søknadsskjema: <a href="https://sunnfjord.easycruit.com/vacancy/application/3674387/143427?channel&#61;NavRest&amp;iso&#61;nn" rel="nofollow">Søk her</a>

Lignende stillinger