Hjemmehjelp

<h1>Ledig 80 % stilling som heimehjelp i Skjåk kommune</h1>
<p>Vil du vere med og gjere kvardagen betre for andre?</p>
<p>Stillinga er ledig frå <strong>01.02.2027.</strong></p>
<p>Vi søkjer deg som trivst med å hjelpe andre, likar ein variert arbeidskvardag og ønskjer å bidra til at innbyggjarane våre kan bu trygt og godt i eigen heim.</p>
<p>Som medarbeidar innan praktisk bistand får du ein viktig rolle i kvardagen til brukarane. Gjennom praktisk hjelp, rettleiing og støtte bidreg du til at den enkelte kan meistre kvardagen best mogleg og bu trygt og godt i eigen heim. Målet er å styrkje brukarane sine eigne ressursar og ferdigheiter, slik at dei kan oppretthalde størst mogleg grad av sjølvstende og deltaking i eige liv.</p>
<h2>Arbeidsoppgåver</h2>
<p>Arbeidet består av praktisk bistand til heimebuande brukarar i tråd med vedtak, mellom anna:</p>
<ul><li>
<p>Reingjering av primærrom i bustaden i tråd med vedtak</p>
</li><li>
<p>Klesvask og skift av sengetøy</p>
</li><li>
<p>Støtte brukarane i å nytte eigne ressursar og ferdigheiter i kvardagen</p>
</li><li>
<p>Rettleiing og opplæring i daglege gjeremål for å fremje meistring og sjølvstende</p>
</li><li>
<p>Motivere til deltaking og aktivitet ut frå den enkelte sine føresetnader</p>
</li><li>
<p>Bidra til bruk av velferdsteknologi og andre hjelpemiddel der dette kan styrkje meistring og tryggleik</p>
</li><li>
<p>Samarbeid med brukarar, pårørande og andre tenester ved behov</p>
</li></ul>
<p>Arbeidet går føre seg på dagtid og kan vere fysisk krevjande.</p>
<h2>Kvalifikasjonar</h2>
<ul><li>
<p>Det er ønskjeleg med fagbrev som helsefagarbeidar</p>
</li><li>
<p>Relevant erfaring frå praktisk bistand eller liknande arbeid kan kompensere for manglande formell utdanning</p>
</li><li>
<p>Førarkort klasse B</p>
</li><li>
<p>Godkjend politiattest må leggjast fram ved tilsetjing</p>
</li></ul>
<h2>Vi ser etter deg som</h2>
<ul><li>
<p>har erfaring frå liknande arbeid</p>
</li><li>
<p>er sjølvstendig, strukturert og ansvarsbevisst</p>
</li><li>
<p>møter brukarane med respekt, omsorg og godt humør</p>
</li><li>
<p>har fokus på meistring og sjølvstende for brukar</p>
</li><li>
<p>er fleksibel og trivst i ein variert arbeidskvardag</p>
</li><li>
<p>har gode samarbeidsevner</p>
</li><li>
<p>meistrar norsk godt, både munnleg og skriftleg</p>
</li><li>
<p>har ei generell forståing for bruk av meistringsteknologi</p>
</li></ul>
<p><em>Personlege eigenskapar vil bli tillagde stor vekt.</em></p>
<h2>Vi tilbyr</h2>
<ul><li>
<p>tilsetjing på kommunale vilkår</p>
</li><li>
<p>løn etter avtale</p>
</li><li>
<p>pensjonsordning i KLP</p>
</li></ul>
<p>Skjåk kommune har nynorsk som administrasjonsspråk.</p>
<h2>Søknadsfrist 11.11..2026</h2>
<ul><li>
<p>Elektronisk søknadsskjema</p>
</li><li>
<p>Søkjarlista vil bli offentleggjort. Skjåk kommune praktiserer meiropenheit ved tilsetjingar. Dette inneber at du som søkjar må grunngje særskilt om du ønskjer unntak frå offentlegheit. </p>
</li></ul>
<p>Vil du vite meir om oss? · Du finn også meir informasjon om kommunen og livet i bygda på nettsidene våre Sats på Skjåk og Skjåk kommune.</p>
<p>Tilflyttarkonsulenten kan hjelpe deg med bustad, informasjon om arbeid, barnehage, skule og fritidstilbod -- og leggje til rette dersom du ønskjer å prøvebu i Skjåk. Ta kontakt med Heidrun Israelsen, prosjektleiar for Sats på Skjåk (tlf. 994 27 902).</p>
<p>Sletting av studielån</p>
<ul><li>Er du busett i Skjåk og i arbeid, kan du få sletta opptil 25 000 kroner av studielånet ditt kvart år.  · Les meir om ordninga på lånekassen sine heimesider</li></ul>

Lignende stillinger